ബാലചന്ദ്രൻ ചുള്ളിക്കാടിന് അഭിനന്ദനം..

ഓരോ രചനകളുടേയും  സൃഷ്ടിയ്ക്ക് മുൻപ്  അതിനുള്ളൊരു മനസ്സുരുക്കവും മനസ്സൊരുക്കവും ഉണ്ട്.  ഒടുവിൽ  അക്ഷരം ജനിയ്ക്കുന്ന നോവും നിർവൃതിയും നിറഞ്ഞൊരു  പുണ്യമുഹൂർത്തമുണ്ട്. അതനുഭവിയ്ക്കുന്ന എഴുത്തുകാരന്റെ പ്രാണസങ്കടവും  ആനന്ദവും  വായനക്കാർക്ക് ചിലപ്പോൾ മനസ്സിലാവാം  ,   ചിലപ്പോൾ  മനസ്സിലാവാതിരിയ്ക്കാം.  അവരുടെ സ്വന്തം ഇഷ്ടപ്രകാരം അതിനെ വ്യാഖ്യാനിയ്ക്കുകയും ആവാം. അത് വായനക്കാരുടെ അവകാശമാണ്.

എന്നാൽ  മനസ്സിന്റെ ഉലയിൽക്കിടന്ന്  ഉരുകിത്തെളിഞ്ഞ്  പുറത്തുവരുന്ന അക്ഷരങ്ങളിൽ പടർന്ന ആത്മാവിന്റെ ചോരത്തുള്ളികൾ  അപമാനിയ്ക്കപ്പെടുന്നത്  നെഞ്ച് ഉരുക്കുന്ന സങ്കടമാണ്.   അങ്ങനെ ചെയ്യരുത് എന്ന് വിളിച്ചുപറയാൻ ആർജ്ജവം  കാണിച്ച  പ്രിയപ്പെട്ട  എഴുത്തുകാരാ  !  അങ്ങേയ്ക്ക് ഒരുകോടി നമസ്ക്കാരം !