ഒരിക്കല്‍ ഒരു സുഹൃത്ത് ആത്മാഭിമാനത്തെ മുറിപ്പെടുത്തുന്ന രീതിയില്‍ എന്നോട് സംസാരിച്ചപ്പോള്‍ , വളരെ നിശിതമായ ഭാഷയില്‍ ഞാനതിന് മറുപടി കൊടുക്കുകയും ഒരു വര്‍ഷത്തോളം ആ സൗഹൃദത്തില്‍നിന്നും വിട്ടുനില്‍ക്കുകയും ചെയ്തു. പിറ്റേ വര്‍ഷം ജനുവരി ഒന്നിന് ഞാന്‍ ആ സുഹൃത്തിനെ വിളിച്ച് പുതുവര്‍ഷം ആശംസിച്ചു. അങ്ങനെ ഒരു വര്‍ഷത്തെ ഇടവേളയ്ക്ക് ശേഷം ഞങ്ങള്‍ അല്‍പനേരം സംസാരിച്ചു. പിന്നീട് മറ്റൊരു സുഹൃത്തിന്റെ വീട്ടില്‍ ഞങ്ങള്‍ കുറെ സുഹൃത്തുക്കള്‍ ഒത്തുകൂടെണ്ട ഒരവസരം വന്നു. അന്ന് ഇതേ സുഹൃത്ത് അല്പം അകലം പാലിച്ച് മാറി നില്‍ക്കുന്നത് കണ്ട് ഞാന്‍ കൈ കാണിച്ചു വിളിച്ചു. ആ വിളി കാത്ത് നിന്നതുപോലെ ചങ്ങാതി അടുത്തേയ്ക്ക് വന്നു. പിന്നീടൊരു സന്ദര്‍ഭത്തില്‍ ഈ സുഹൃത്ത് എന്നോട് പറഞ്ഞു , 'അന്ന് എന്റെ മനസ്സില്‍ അല്പം അകല്‍ച്ച ബാക്കി നില്‍ക്കുന്നുണ്ടായിരുന്നു. ശിവ എന്നെ കൈ കാണിച്ച് വിളിച്ചില്ലേ ? അവിടെ തീര്‍ന്നു ആ അകലം. ' എന്ന് !
സ്നേഹത്തിന്റെ കടലിളകിയ നിമിഷങ്ങള്‍..
ഒരിയ്ക്കല്‍ ഒരു സുഹൃത്ത് അത്യന്തം പ്രതിസന്ധികളില്‍ പെട്ട് ഉഴലുന്ന ഒരു സാഹചര്യത്തില്‍ ഞാന്‍ അദ്ദേഹത്തെ വിളിച്ചു. ഇത്രമാത്രം പറഞ്ഞു... ' ധൈര്യമായിരിയ്ക്കണം.. എല്ലാവരും കൂടെയുണ്ട്. '
തിരക്കിലായിരുന്ന അദ്ദേഹത്തെ കൂടുതല്‍ ബുദ്ധിമുട്ടിയ്ക്കണ്ട എന്ന് ഞാന്‍ തീരുമാനിച്ചു. ഫോണ്‍ കട്ട് ചെയ്തു. അടുത്ത നിമിഷം തിരികെ കോള്‍ വന്നു. അദ്ദേഹം ഇത്രമാത്രം പറഞ്ഞു... 'ഇപ്പൊ ഈ കോള്‍ എനിയ്ക്ക് അത്യാവശ്യമായിരുന്നു ശിവ..'
സ്നേഹത്തിന്റെ കടലിരമ്പം...
ഒരിയ്ക്കല്‍ ഒരു സുഹൃത്തിന്റെ മകള്‍ സുഖമില്ലാതെ കിടന്നപ്പോള്‍ അവളെ കാണുവാന്‍ പോയി ഞാന്‍. സുഹൃത്തിന്റെ ഭാര്യയുമായിട്ടാണ് എനിയ്ക്ക് കൂടുതല്‍ കൂട്ട്. അതെപ്പോഴും അങ്ങനെയാണ്. പുരുഷസുഹൃത്തുക്കളുടെ ഭാര്യമാരോട് നല്ലൊരു ബന്ധം സൂക്ഷിയ്ക്കുവാന്‍ കഴിഞ്ഞാല്‍ മാത്രമേ ഞാന്‍ ആ സുഹൃത്തുമായി സൗഹൃദം തുടരുകയുള്ളൂ. എന്റെ എല്ലാ പുരുഷസുഹൃത്തുക്കളുടെയും ഭാര്യമാരുമായി വളരെ അടുപ്പമാണ് എനിയ്ക്ക്. ഒരുപക്ഷെ ചങ്ങാതിയെക്കാള്‍ കൂട്ടാകും അവരുടെ ഭാര്യമാരുമായി. അല്‍പനേരം അവിടെ ചിലവഴിച്ചു. ഭക്ഷണം കഴിച്ചു. ഭക്ഷണം കഴിഞ്ഞു കൈ കഴുകി , അവിടെയിട്ടിരുന്ന ടൌവ്വലില്‍ തുടയ്ക്കാതെ സുഹൃത്തിന്റെ ഭാര്യയുടെ ഷോളിന്റെ തുമ്പില്‍ കൈ തുടച്ചു.
എന്റെ സ്വഭാവം അറിയാവുന്ന സുഹൃത്ത് ചിരിച്ചു മറിഞ്ഞു ചോദിച്ചു , ശിവ എന്താ ടൌവല്‍ യൂസ് ചെയ്യാതിരുന്നത് ' എന്ന്. ഞാന്‍ പറഞ്ഞു ' അതറിയില്ലേ ? സാരിയുടെയും ഷാളിന്റെയുമൊക്കെ തുമ്പില്‍ സ്നേഹം സൂക്ഷിച്ചിട്ടുണ്ട് , അത് ടൌവലില്‍ ഉണ്ടാവില്ല ' എന്ന്. സുഹൃത്തിന് പിന്നെയും ചിരിയടക്കാനായില്ല. അദ്ദേഹം പറഞ്ഞു, 'അതിനു അതവള്‍ക്ക് മനസ്സിലായാലല്ലേ ഉള്ളൂ ? അവളിപ്പോ കരുതിക്കാണും , ശിവ ഏത് പട്ടിക്കാട്ടില്‍ നിന്നാണോ വരുന്നേ , ടൌവല്‍ ഇട്ടിട്ടു അതില്‍ തുടയ്ക്കാതെ എന്റെ ഷാള്‍ മുഴുവന്‍ തുടച്ചു വൃത്തികേടാക്കി എന്ന്' .
സുഹൃത്തിന്റെ ഭാര്യ എന്നെ ചേര്‍ത്തു പിടിച്ചു ഭര്‍ത്താവിനെ ശകാരിച്ചു. 'പിന്നെ.. ചുമ്മാ ഓരോന്ന് ഓരോന്ന് പറഞ്ഞോളും. ഞാന്‍ എന്റെ വീട്ടില്‍ ചെന്നാല്‍ എന്റെ അമ്മേടെ സാരീടെ തുമ്പിലല്ലാതെ മുഖം തുടയ്ക്കുകയെ ഇല്ല ' എന്ന്..
സ്നേഹത്തിന്റെ തിരയിളക്കങ്ങള്‍...
അതങ്ങനെയാണ് . സ്നേഹം അറിയാനും പറയാനും ഒരുപാട് കാലമൊന്നും വേണ്ട. ഒരുപാട് കാലം ശ്രമിച്ചാലും അത് സാധിയ്ക്കണമെന്നുമില്ല. ഒരു വാക്കില്‍ ... ഒരു നോക്കില്‍ പറയാതെ പറയാം സ്നേഹം.. അത് തിരിച്ചറിയാനുള്ള മനസ്സുണ്ടാകണം എന്നുമാത്രം. അതാണ്‌ ഞാനെഴുതിവച്ചത് ഇങ്ങനെ..
നിനക്ക് കൈ കഴുകിത്തുടയ്ക്കാനൊരു
നിറഞ്ഞ സ്നേഹത്തിന്റെ നേര്യതിന്‍
തുമ്പ് മാത്രം കരുതി ഞാന്‍...
സ്നേഹം പറയാന്‍ ഇതിനപ്പുറം എനിയ്ക്കൊരു ഭാഷയില്ല. കരുതിവയ്ക്കാന്‍ ഇതിനപ്പുറം ഒരു സമ്മാനവുമില്ല..
സ്നേഹത്തിന്റെ കടലിളകിയ നിമിഷങ്ങള്‍..
ഒരിയ്ക്കല്‍ ഒരു സുഹൃത്ത് അത്യന്തം പ്രതിസന്ധികളില്‍ പെട്ട് ഉഴലുന്ന ഒരു സാഹചര്യത്തില്‍ ഞാന്‍ അദ്ദേഹത്തെ വിളിച്ചു. ഇത്രമാത്രം പറഞ്ഞു... ' ധൈര്യമായിരിയ്ക്കണം.. എല്ലാവരും കൂടെയുണ്ട്. '
തിരക്കിലായിരുന്ന അദ്ദേഹത്തെ കൂടുതല്‍ ബുദ്ധിമുട്ടിയ്ക്കണ്ട എന്ന് ഞാന്‍ തീരുമാനിച്ചു. ഫോണ്‍ കട്ട് ചെയ്തു. അടുത്ത നിമിഷം തിരികെ കോള്‍ വന്നു. അദ്ദേഹം ഇത്രമാത്രം പറഞ്ഞു... 'ഇപ്പൊ ഈ കോള്‍ എനിയ്ക്ക് അത്യാവശ്യമായിരുന്നു ശിവ..'
സ്നേഹത്തിന്റെ കടലിരമ്പം...
ഒരിയ്ക്കല്‍ ഒരു സുഹൃത്തിന്റെ മകള്‍ സുഖമില്ലാതെ കിടന്നപ്പോള്‍ അവളെ കാണുവാന്‍ പോയി ഞാന്‍. സുഹൃത്തിന്റെ ഭാര്യയുമായിട്ടാണ് എനിയ്ക്ക് കൂടുതല്‍ കൂട്ട്. അതെപ്പോഴും അങ്ങനെയാണ്. പുരുഷസുഹൃത്തുക്കളുടെ ഭാര്യമാരോട് നല്ലൊരു ബന്ധം സൂക്ഷിയ്ക്കുവാന്‍ കഴിഞ്ഞാല്‍ മാത്രമേ ഞാന്‍ ആ സുഹൃത്തുമായി സൗഹൃദം തുടരുകയുള്ളൂ. എന്റെ എല്ലാ പുരുഷസുഹൃത്തുക്കളുടെയും ഭാര്യമാരുമായി വളരെ അടുപ്പമാണ് എനിയ്ക്ക്. ഒരുപക്ഷെ ചങ്ങാതിയെക്കാള്‍ കൂട്ടാകും അവരുടെ ഭാര്യമാരുമായി. അല്‍പനേരം അവിടെ ചിലവഴിച്ചു. ഭക്ഷണം കഴിച്ചു. ഭക്ഷണം കഴിഞ്ഞു കൈ കഴുകി , അവിടെയിട്ടിരുന്ന ടൌവ്വലില്‍ തുടയ്ക്കാതെ സുഹൃത്തിന്റെ ഭാര്യയുടെ ഷോളിന്റെ തുമ്പില്‍ കൈ തുടച്ചു.
എന്റെ സ്വഭാവം അറിയാവുന്ന സുഹൃത്ത് ചിരിച്ചു മറിഞ്ഞു ചോദിച്ചു , ശിവ എന്താ ടൌവല്‍ യൂസ് ചെയ്യാതിരുന്നത് ' എന്ന്. ഞാന്‍ പറഞ്ഞു ' അതറിയില്ലേ ? സാരിയുടെയും ഷാളിന്റെയുമൊക്കെ തുമ്പില്‍ സ്നേഹം സൂക്ഷിച്ചിട്ടുണ്ട് , അത് ടൌവലില്‍ ഉണ്ടാവില്ല ' എന്ന്. സുഹൃത്തിന് പിന്നെയും ചിരിയടക്കാനായില്ല. അദ്ദേഹം പറഞ്ഞു, 'അതിനു അതവള്‍ക്ക് മനസ്സിലായാലല്ലേ ഉള്ളൂ ? അവളിപ്പോ കരുതിക്കാണും , ശിവ ഏത് പട്ടിക്കാട്ടില്‍ നിന്നാണോ വരുന്നേ , ടൌവല്‍ ഇട്ടിട്ടു അതില്‍ തുടയ്ക്കാതെ എന്റെ ഷാള്‍ മുഴുവന്‍ തുടച്ചു വൃത്തികേടാക്കി എന്ന്' .
സുഹൃത്തിന്റെ ഭാര്യ എന്നെ ചേര്‍ത്തു പിടിച്ചു ഭര്‍ത്താവിനെ ശകാരിച്ചു. 'പിന്നെ.. ചുമ്മാ ഓരോന്ന് ഓരോന്ന് പറഞ്ഞോളും. ഞാന്‍ എന്റെ വീട്ടില്‍ ചെന്നാല്‍ എന്റെ അമ്മേടെ സാരീടെ തുമ്പിലല്ലാതെ മുഖം തുടയ്ക്കുകയെ ഇല്ല ' എന്ന്..
സ്നേഹത്തിന്റെ തിരയിളക്കങ്ങള്‍...
അതങ്ങനെയാണ് . സ്നേഹം അറിയാനും പറയാനും ഒരുപാട് കാലമൊന്നും വേണ്ട. ഒരുപാട് കാലം ശ്രമിച്ചാലും അത് സാധിയ്ക്കണമെന്നുമില്ല. ഒരു വാക്കില്‍ ... ഒരു നോക്കില്‍ പറയാതെ പറയാം സ്നേഹം.. അത് തിരിച്ചറിയാനുള്ള മനസ്സുണ്ടാകണം എന്നുമാത്രം. അതാണ്‌ ഞാനെഴുതിവച്ചത് ഇങ്ങനെ..
നിനക്ക് കൈ കഴുകിത്തുടയ്ക്കാനൊരു
നിറഞ്ഞ സ്നേഹത്തിന്റെ നേര്യതിന്‍
തുമ്പ് മാത്രം കരുതി ഞാന്‍...
സ്നേഹം പറയാന്‍ ഇതിനപ്പുറം എനിയ്ക്കൊരു ഭാഷയില്ല. കരുതിവയ്ക്കാന്‍ ഇതിനപ്പുറം ഒരു സമ്മാനവുമില്ല..
