എല്ലാവർക്കും ക്രിസ്മസ് ആശംസകൾ .

                                            എല്ലാവർക്കും   ക്രിസ്മസ്  ആശംസകൾ .



ദൈവത്തിന്റെ പൂർണ്ണത  നഷ്ടപ്പെടുത്താതെ,   മനുഷ്യന്റെ  പരിമിതിയ്ക്കുള്ളിൽ  ദൈവത്തെ   വെളിപ്പെടുത്തുന്ന തന്റെ ജീവിതാനുഭവം  ലോകത്തിന്  കാണിച്ചു കൊടുത്ത ക്രിസ്തു,   കൊട്ടാരത്തിലല്ല , പശുത്തൊട്ടിലിലാണ്  ജനിച്ചത് . ഭാവിയുടെ സമാധാനം രാഷ്ട്രീയ സാമ്പത്തിക ശക്തിയിലല്ല ,  ധർമ്മം നിഷേധിയ്ക്കപ്പെട്ട് അനാഥനായ മനുഷ്യൻ വസിയ്ക്കുന്ന പശുത്തൊട്ടിലിലാണെന്ന്  ക്രിസ്മസ് പ്രഖ്യാപിയ്ക്കുന്നു .  അർത്ഥപൂർണ്ണവും  ആശയഗാംഭീര്യവുമുള്ള  ഒരു സത്യമാണ്  ക്രിസ്മസിന്റെ  ദൂത്.  സന്തോഷവും  സമാധാനവും  മനുഷ്യന്  ലഭിയ്ക്കാൻ , ക്രിസ്തു, സകലരാലും നിഷേധിയ്ക്കപ്പെട്ടവനായി , തെറ്റിദ്ധരിയ്ക്കപ്പെട്ടവനായി  മനുഷ്യർക്ക്  വേണ്ടി   മരിച്ച് , അധർമത്തെ നശിപ്പിച്ച്  ധർമ്മത്തെ  സ്ഥാപിച്ചിരിയ്ക്കുന്നു  എന്ന  സത്യമാണ് ക്രിസ്മസ്.  പശുത്തൊട്ടിലുകളെ  കൊട്ടാരങ്ങളായി   രൂപാന്തരപ്പെടുത്തനം .   നീതിയും സമാധാനവും  സന്തോഷവും  മനുഷ്യത്വവും എല്ലായിടത്തും   കാണത്തക്ക   ഒരു  കേരളം ,  ഒരു  ഭാരതം ,  ഒരു  ലോകം   ക്രമപ്പെടുത്തുന്നതിന്  ഈ ക്രിസ്മസ്  കാരണമാകട്ടെ....എല്ലാവർക്കും എന്റെ  ഹൃദയം   നിറഞ്ഞ  ക്രിസ്മസ്   ആശംസകൾ..