എന്റെ മഴയോര്‍മ്മകള്‍ .
-------------------------------
-- ശിവനന്ദ.
എന്റെ മഴയൊരോര്‍മ്മ ....
മഴത്തുള്ളികളിറ്റു നില്‍ക്കുന്ന
പനിനീര്‍പ്പൂക്കളുമായ്,
നനഞ്ഞ കൂവളത്തില പൊതിഞ്ഞ
വാഴയിലച്ചീന്തുമായ്,
പ്രദക്ഷിണവഴിയിലൂടന്ന്
നടന്ന ഓര്‍മ്മ.....
കുളിച്ചീറനിറ്റുന്ന മുടിയില്‍
മഴത്തുള്ളികള്‍ മുത്തായ്‌ -
ത്തെറിയ്ക്കുന്ന നനഞ്ഞ ഓര്‍മ്മ....
ഇലച്ചീന്തിലെ ചന്ദനത്തിനൊപ്പം ചിരിച്ച
നന്ത്യാര്‍വട്ടപ്പൂവി,നെന്റെ
നീണ്ട മുടിയിലൂഞ്ഞാല് കെട്ടിയ
കുളിരുള്ള ഓര്‍മ്മ.....
മഴയെനിയ്ക്കൊരോര്‍മ്മ ....
ഭക്തിയുടെ നിറവും ,
പ്രണയത്തിന്റെ ലഹരിയും,
സ്നേഹത്ത്നിറെ കുളിരും
തന്നൊരോര്‍മ്മ...
ഒരിയ്ക്കല്‍ നീ കൊതിയ്ക്കു -
മെന്നോടോന്നു മാപ്പ് ചോദിയ്ക്കാന്‍ ..
എന്നാലൊരു വാക്ക് പോലും മിണ്ടാ -
നവസരം തരാതെ ഞാനൊരു
ചുവര്ചിത്രമാകുമന്ന്‍...
അന്ന് നിന്നോടുള്ള പ്രതികാരവു -
മസ്തമിയ്ക്കു, മന്നത്തെ
അസ്തമയ സൂര്യനൊപ്പം....
-
April 3, 2016 2:35 AM PDT
മനസ്സ് ചുട്ടു നീറി,യെറിയുന്ന
വാക്കുകളോരോന്നുമെന്റെ
കോപതാപങ്ങളെയും
അഗ്നിശാപങ്ങളെയും
തണുപ്പിയ്ക്കണേ, യെന്നു നീ
മനം നൊന്ത് പ്രാര്ത്ധിയ്ക്കുക ...
-
April 3, 2016 2:44 AM PDT
എന്റെ മനസ്സിന്റെ നിലാപ്പറമ്പ്
നിഷ്ക്കരുണം കൊത്തിക്കിളച്ചു -
ഴുതു മറിച്ചപ്പോള്‍ , നീയോര്‍ത്തില്ലൊരു
പൊടി വേരില്‍ നിന്ന് പോലുമീ
പുല്‍നാമ്പ് വീണ്ടും മുളയ്ക്കുമെന്ന്...
-
April 3, 2016 2:51 AM PDT
സാഹചര്യങ്ങളെന്നെ ശത്രുവായി
പ്രഖ്യാപിച്ചപ്പോള്‍
അമ്മേ ..ദേവീ ..പ്രകൃതീ ...
നീയെനിയ്ക്കായി പൊരുതിയെന്നും...
വെറുമൊരു പുല്‍നാമ്പായ ഞാന്‍
ചവിട്ടിയരയ്ക്കപ്പെട്ടപ്പോഴും
ചുട്ടു കരിയ്ക്കപ്പെട്ടപ്പോഴും
ഒരു പൊടി വേരായി നീയെന്നെ
ഗര്‍ഭപാത്രത്തിലൊളിപ്പിച്ചു ...
0 അഭിപ്രായ(ങ്ങള്‍):
ഒരു അഭിപ്രായം പോസ്റ്റ് ചെയ്യൂ